金滬庭京川滬菜館 (已結業)

與同事食飯，最忌揀飲擇食，除非本身有宗教信仰或其它身體原因，否則只會揀足成日都搵唔到一間o岩心水。為此小弟一於投棄權票，尤得其它人幫我揀，反正小黃百無禁忌，有得食就得。我們一行四人，點了幾個小菜及一客酸辣湯，感覺如下。酸辣湯：普通上海菜館都可以整得到，沒有太大驚喜。咸肉津白：非常精緻(細)，如果是大胃王，一個人一碟都覺唔夠喉，而且咸肉亦不夠咸。海鮮鍋巴：鍋巴好脆，份量亦足，可惜海鮮湯就較為行貨，不過不失啦。小籠包，可說是近來較為似樣的小籠包，有肉汁，皮的厚薄亦恰到好處，夾起時不痴底亦不會弄穿，中上之作。炒年糕：不是我杯茶，份量大得嚇人...唔夠飽叫佢就最o岩，個人覺得味道較淡口。擔擔麵：小辣變不辣，只有麻醬味，麵質還可，一個人食會覺ok。雞絲粉皮：中上之作，粉皮不會太粉，麻醬亦恰到好處，唯雞絲太少。最後我們亦點了一飯後甜品-桂花糕，不過個人覺得欠桂花味道，反而更像是菊花味...整體而言，侍應態度及上菜速度均頗為令人滿意，不過價錢方面就略嫌貴...