Restoran SAYA

呢間餐廳坐落於大角咀利奧坊，周圍仍然發展中，工地林立，新舊區交錯，有啲難搵⋯ 或者因為有啲難搵，我哋到達時只有5台食客用餐（午市）。至於廳廳總質素，其實都只屬一般：

😀食物質素： 6.5/10
先講用料，絕對良心，食材新鮮，份量足。味道就無咩太特別，不過不失，未搵到驚喜。

😊環境衛生： 8.5/10
裝修別致，有異國風情，頗適合約會聚會。但係地理位置比較難到達，且四周舊區環境不好，少少扣分。

😊服務態度： 7/10
員工做足該做嘅嘢就會去煲劇，做自己嘢😂，午市可能比較鬆弛，正正常常。

😀性價比：5.8/10
見其他枱點咗午市（無試）價錢好抵，有set又大大碟，影相打卡都靚。不過我慣性低碳水，唔鐘意食大量澱粉質（e.g. 米麵粉），所以揀咗main menu 單點。兩杯飲品，一個甜品，兩個食物，埋單$490。

😀餐後滿足感：6.9/10
食物質素同選擇同香港同類泰國菜相差不遠，比較特別嘅係環境裝修。可以inline 訂座，包保唔洗等位。

如果嚟呢度聚會，悠閑地食一餐都唔錯。
——————————————

餐廳裝修用心，氣氛良好。

MASSAMAN咖喱唔辣，偏甜，香花生堅果味，味道較接近沙嗲。現上跟碟嘅蒜蓉包，好味，但未去到驚人地好味。美中不足之處，牛肋條唔夠淋，如果再淋啲就阿萊擘擘喇！

$158

寫就寫住special，但我唔覺得非常special。 材料十足，大大份，但奄列蛋有啲老，蟹肉味唔夠出。雖然啖啖肉，但唔算非常好味。

$158

不是太好吃， 糯米不夠甜黏，沒有炒碎米在上，芒果一般。

$78

————————————————————
經過開可以嚟試吓，二人聚會都係一個唔錯嘅地方，不過唔需要特登出嚟試，未至於非常驚豔地好食。