大甲芋圓

營業中

休息中

突然想食芋圓，見到天瑞開左間新的甜品店，剛好有芋圓，就買黎一次。天水圍台式甜品店唔多，突然想食台灣芋圓可以黎呢到過下癮。呢間店前身都是一間甜品店，門面裝修簡約整潔，重幾文青。價錢唔算貴，幾親民！今次我叫左芋泥豆花芋圓，我幾中意咬落去煙韌，見到有d食評寫佢粉粉地，但我今次食又冇呢個問題，係煙煙韌韌，係芋頭味唔算好出，好彩有芋泥加返d味，地瓜圓反而有驚喜，又煙韌又有味，豆花都唔錯，雖然唔算好滑，但豆腐味幾重，呢個價位都算係咁架喇！重有呢個唔似雪糕嘅唔知咩野，係冇味嘅！整體黎講係幾抵食，過下癮都唔錯嘅，如果芋圓再多d就好喇！