嚐仙 (已結業)

食完個晚飯就去搵個糖水食下，附近有間食芋圓既店未試過就去試下啦！嗌左三款，甘就可以試晒燒仙草、奶凍同豆花✌🏻整體芋圓夠煙軔食到淡淡芋味蕃薯味。芋泥同蕃薯泥好滑。招牌燒仙草（$48）只供應熱食，而且無得揀甜度既。雙芋仙草奶凍（$45）可以揀甜度，今次揀正常甜度，個奶凍完全將依碗芋圓帶到去另一個境界，因為本身碗野有黑糖味但就得個甜字，紅豆有紅豆味珍珠就珍珠味😂黃金地瓜泥豆花（$45）可以揀甜度，今次揀正常甜度，豆腐花既豆味好濃，成碗野真係全靠佢哋嘅糖水先有甜味。整體就真係覺得都幾貴嘅，而且凍果兩碗底下有放冰，感覺有少少呃份量，但食起上嚟就有冰鎮嘅感覺既！