華星冰室 (E-Max) (已結業)

星期五晚約咗朋友去九展睇戲，諗住順便食個茶餐。朋友都揀左常餐, 但我唔鍾意食叉燒營養餐睇落又唔夠飽.....於是揀左“鹹牛肉蛋餅重口味一丁”。一睇個樣以為好辣, 但原來係蕃茄湯底。蛋餅幾滑幾香口, 都算唔錯。只係份量較少, 唔加小食的話會唔夠飽。於是加咗份校長多士, 竟然有驚喜。本身冇咩期待, 只係想填飽個肚。但塊多士烤得幾香, 仲有d松露味。缺點係d位唔太好坐, 可能冷氣唔夠所以有d熱。同埋夜晚8點左右就準備關門, 下次再去要預早d, 避免摸門釘。