朝陽飯莊 (已結業)

老公生日 佢至愛片皮鴨 決定去Isquare朝陽飯莊 夜景好似幾靚。預先訂左$398片皮鴨一隻。片皮鴨明明係食鴨皮為主 但朝陽的就肉多皮少 有點失望。但鴨香都是有的。肉質亦不錯。麵包皮亦都好軟熟。另外 點了小籠包。包皮算薄 夾起時亦不會易爛 湯汁和肉略微咸左少少。蕃茄大蝦蛋麵 其實好像屋企煮的家常麵。蕃茄湯底味夠濃 炒蛋亦算滑 大蝦係急凍蝦 普通貨色。麵條太腍 一夾就斷。整體來說 比較普通。最特別的莫過於有維港海景和幻彩匯香江以供觀賞。