其實都唔洗訂檯，人唔算多，以星期六晚銅鑼灣呢個地段黎講可以唔洗等位直入！天花板掛左紅燈籠，都幾別緻！而門口幅潮汕味道畫都有心思
我地兩個初初坐二人位，但侍應見我地叫的食物比較多，所以安排四人位，呢方面都幾貼心！
講返食物，鹵水兩拼係鵝片同腩肉，底係有豆腐！以價錢同份量黎講非常抵食！但味道就一般，鵝比較未索的曬汁的味道，有點偏淡，而腩肉就可以！
欖菜四季豆本身係好惹味，係送飯的菜！但呢碟的欖菜都係淡左，食唔出個味，同埋油左少少！少左鑊氣！
方魚蠔仔粥係非常的淡，肉碎、米、方魚同蠔仔幾樣的味道都好獨立，好似夾唔埋咁...
蠔仔烙的樣子令我地有點疑惑係咪叫錯，個樣係蛋餅，但同其他食評甚至餐牌的樣都有落差，味道就蛋味好濃....🥺食唔到蠔仔味
總括黎講呢度可以醫肚，但追求味道可能要考慮下
