影片
更多
2013-04-24
249 瀏覽
成日見到啲朋友响佢哋個社交網絡post老富昌啲相出黎，實在令我常常都好想約啲生日飯局去試一試，近日終於精心安排左一個生日的友人一行4人咁去試吓，個menu 都好簡單，而我哋大家都係好懶咁揀左dinner set，因為 dinner set 入面都有好多選擇，真係可以照顧到大家的喜好，豬、牛、雞、羊、海鮮、魚….總之就一定有一款你係啱食的！我哋就安排左坐卡位，張枱就唔算好大，4個人坐就只可以話啱啱好，似食法國菜的餐廳黎講就應該係算迫嗰隻，而卡位的燈光就比較強左啲，有欠情調，情侶去就差左少少了…….當大家都選擇飲海鮮龍蝦湯時，我便點了個拖羅沙津及田螺做前菜，田螺都算大隻同埋焗的時間啱啱好，咬落彈牙及好重牛油香草味，咀嚼時還感覺到田螺肉與香草混合了的香味，真的要慢慢品嚐。吞拿魚、烚疍、新鮮蔬菜配上特製的醬汁都幾清新，各樣材料味道都是淡淡的，好似先清洗一下口腔來迎接豐富的主菜到來，廚師的安排很有心思呢！主菜有香煎黑毛豬扒配鵝肝汁，厚切豬扒中間夾左一片前香左的洋蔥，一起吃時不覺得厚切的黑毛豬扒膩，肉質咬落都算彈及Juicy，但友人說好像凍了一點點，不太夠熱就有點美中不足。香煎比目魚配鵝肝醬煎得好
當大家都選擇飲海鮮龍蝦湯時，我便點了個拖羅沙津及田螺做前菜，田螺都算大隻同埋焗的時間啱啱好，咬落彈牙及好重牛油香草味，咀嚼時還感覺到田螺肉與香草混合了的香味，真的要慢慢品嚐。吞拿魚、烚疍、新鮮蔬菜配上特製的醬汁都幾清新，各樣材料味道都是淡淡的，好似先清洗一下口腔來迎接豐富的主菜到來，廚師的安排很有心思呢！
主菜有香煎黑毛豬扒配鵝肝汁，厚切豬扒中間夾左一片前香左的洋蔥，一起吃時不覺得厚切的黑毛豬扒膩，肉質咬落都算彈及Juicy，但友人說好像凍了一點點，不太夠熱就有點美中不足。
香煎比目魚配鵝肝醬煎得好好, 啲肉質好嫩滑加多外面用甜甜的source煎封住，加埋個鵝肝醬一齊食就更加香同埋一啖入面有三個質感，就連附上的檸檬都唔洗用都唔覺有任何腥味，值得一讚！
西冷牛扒、虎蝦伴薯蓉，五成的牛扒都算Juicy但隻虎蝦就略遜一籌，太熟了，可幸是不失蝦味，只是肉質就實了一點，西冷牛扒底部以薯蓉襯托，味道因吸了肉汁而變得多了層次感，薯蓉味添上牛扒味又很合適。
酥皮德國咸豬手，只是睇個名都覺得很特別，外層以酥皮包著焗的豬手看落不大肥膩，但我覺得酥皮略為不夠鬆化，層次不分明，有改善空間，入面的豬手不太咸而肉質亦嫩滑，但味道就沒甚特別，由於個酥皮有點失望所以這個不是是晚的推介之選。
甜品就點左心太軟、焗焦糖布丁、芝士凍餅及蘋果批伴雪糕，當中最出色莫過於個心太軟，焗製時間掌握得啱啱好，切開時啲朱古力漿流出黎的速度緩慢，味道香濃，加埋個雲呢嗱雪糕真係絶配呀！Delicious !!!
張貼
