洛奇冰室 (已結業)

朝早做完運動，想搵間茶記坐低嘆個早餐。見到最近就係呢間登龍街嘅冰室，所以就入嚟試吓。我哋叫咗兩份早餐：羅宋湯餐肉通粉配豬柳炒蛋丹麥多士 ($40, 6.5/10)羅宋湯底味道唔錯，而且都有啲紅蘿蔔同牛肉粒等，餐肉分量略少，通粉軟硬適中。豬柳味道一般，平時麥當勞嘅豬柳好食啲，炒蛋都幾滑，丹麥多士就烘得略乾。叉燒意粉，配炒蛋丹麥多士 ($38, 6/10)叉燒好瘦，識落有啲鞋口，而且完全食唔到蜜汁味，意粉就正正常常。熱奶茶奶味比茶味突出，茶底飲落都唔夠香，整體一般。