丸十寿司日本食堂 (已結業)

呢排去唔到外地旅行，留係香港其實都可以自制「偽旅行」，行旺角朗豪坊行到攰攰地，可以去12樓既試下丸十日本壽司，感受一下係日本旅行既感覺。一入到去侍應就送上溫茶，非常窩心，點餐可以用QR CODE 點，有圖有價錢，點餐方便快捷。當日同朋友都好肚餓，試左燒日本地雞丼、鰻魚丼、厚燒牛舌同燒雞胸骨。燒本地雞丼 $98燒雞肉一啲都唔肥，雞肉份量多，雞肉唔肥，但略嫌雞肉乾，同埋淡味，雞肉要點小小豉油調味，唔怕辣可以加少量七味份。鰻魚丼 $108不過不失，鰻魚好大塊，其實同出面一般日本餐廳食到既，分別不大，以呢個價錢同位置，性價比可以接受厚燒牛舌 $98牛舌好厚，但燒得唔算好熱，無燒香既效果，好處係保持到牛舌既嫩度，但可以燒得外脆內嫩，有燒烤既香味會更好燒雞胸骨 $25/串雞胸骨有軟骨有肉，出面既鋪頭係比較少見，同牛舌一樣，燒得唔夠香。不過不失。