盛八日式燒肉放題店 (已結業)

今日有去左食第二間日式燒肉店，之前食過伊呂波燒肉，實在係太好味，因為伊呂波的都幾貴，所以我想試下其他的日式燒肉店，之前聽朋友介紹話盛八日式燒肉店都好好味，於是抱住一個好好味的希望入到去食。因為我之前已經起openrice 睇左d 食評，見多人介紹的食物我今次都點晒。燒汁牛肋骨肉，一入口真係有d 失望，因為無乜牛肉味。鹽燒牛舌仲要係厚切，都幾有口感，但我自己就比較喜歡薄切多d！因為去食燒肉，所以點的食物全部都係肉類，食食下發現自己今餐完全沒有蔬菜，所以食食下再order 左個沙律，個沙律都幾新鮮，但就唔係話好特別...成個dinner 我最滿意的食物只係super hot 豬腩肉。辣辣地亦帶有好濃的調味料的味道！香草法式小羊扒，入口有好重的香草味，可以蓋過羊的羶味，但係食落無乜羊味，我就唔係咁鐘意！A5雪花和牛，入口有少少溶化有好濃的牛味，唔好睇佢大大件其實已經CUT 好左一塊塊，方便我地用來燒烤！店鋪的環境比較暗，而餐牌都幾污jo，掂過之後雙手都好黏...