冬蔭公公 (已結業)

係連城廣場尋找食物，睇到呢間好似平平地，咁就試下。叫左碗麵，加幾個餸（生菜、豬頸肉），已經$50幾了。呢度坐其實都唔係太舒服，因為都有啲迫。叫左豬頸肉、生菜，黎到發現冇左豬頸肉，只有生菜。即刻同職員講，都好快拎左碗豬頸肉過黎。但係啲豬頸肉係凍曬，而且係又韌又冇咬口。我揀左大辣，湯底冇我想像中咁辣，我覺得只係有小辣嘅程度，同埋冬陰公味唔夠，所以湯底都係麻麻。不過麵嘅份量就有好多，一定夠飽，我最後食剩左大半個麵＠＠總結：　應該唔會再食，食過一次就夠。