·
叫咗佢地最出名嘅柳州螺螄粉（$48）同宜賓燃麵（$38），同埋一份麻辣手撕雞（$28）。首先要講嘅係佢地嘅麵真係好大碗😂食咗半碗已經好飽！先講下螺螄粉，滿心期待希望可以食到又酸又臭嘅螺螄粉，但結果都幾失望🙍🏻，湯底酸酸地但唔香唔濃；螺螄肉好少好少好少...；如果當佢係一碗普通嘅米線食都唔錯嘅😕。
·
相反佢地嘅宜賓燃麵好有驚喜😍，燃麵用嘅係蛋麵，滑得嚟充滿蛋香，撈埋佢地嘅汁同肉碎一齊食係幾正😆。佢嘅份量同螺螄粉一樣都係好多，細食嘅人一碗麵加一個小食share食都好夠飽。
·
至於麻辣手撕雞就無乜特別，同其他地方嘅手撕雞差唔多（覺得厚興x記略勝一籌），不過雞肉稍嚡，勝在性價比高😚！
