景逸軒 (已結業)

因為屋企人好想黎試一試呢度嘅嘢食，所以假日專登過嚟飲茶。一開始訂咗位，所以黎到唔需要等位，可以直接入去。點左大約十幾款點心同一個炒麵，落單後大約10分鐘嘢食就開始送到。有雪山叉燒包，焗得好好，成個包焗到好脹，食落去就好脆口，裏面嘅叉燒餡好熱。另外有流沙奶黃包，一啖咬落去真係有流沙餡，味道唔錯！！至於燒腩仔同春卷則一般，燒腩仔太多肥膏，肉既部分不太多。另外仲陸續有其他點心，不得不提既係有一個點心拼盤，$42就有齊6-7款唔同既點心，有馬拉糕、菜苗餃甚至蝦餃都有，性價比十分高。能夠係酒店既環境食到如此質素的點心，都算係不過不失喇~~