川粵米線大王 (已結業)

今日放學，同學仔話好想食米線，經過呢間川粵米線，見到夜晚嘅價錢同同區比較真係好經濟，都係三十幾至四十幾蚊包嘢飲，啲相又影到幾吸引，就決定喺呢間度買外賣返學校食啦。我就叫咗二餸麵，33蚊外賣加1蚊，揀咗貢丸同川粵炸醬，麻辣微辣，同米線。其實餸都有差唔多二十款可以揀，湯有得揀麻辣或者酸辣，麵就有得揀米線或者紅薯粉。因為叫外賣嘅關系，湯同麵係分開上嘅，都好貼心吓，唔使驚啲麵浸淋哂。貢丸唔係啲麵粉丸，有冬菇粒彈牙幾好食，炸醬有啲辣同埋我覺得少咗啲，米線就正常唔淋ok嘅