叄瘋 (已結業)

同行友人一直強調呢度啲嘢食好細份，可能唔夠飽，但唔知係咪因為食咗少少嘢嘅關係，我覺得份量啱啱好！呢度地方比較細，座位唔多，餐牌都係得兩頁，選擇亦唔算多，我哋叫咗兩個麵一份蛋餅，食食吓覺得好飽😂先講一下台式擔仔麵，分別叫咗紅燒牛肉🐮同蔥油雞🐥，個麵底本身都幾高質，好彈牙好爽口，我嫌唔夠多汁，不過可能太多汁都保持唔到個彈性，朋友話個雞好滑，但我個牛就有啲韌，太多筋腱位，如果叫都唔好叫牛肉🙅🏻‍♀️之前聽人講一定要叫蛋餅，但我哋試完都覺得麻麻，個蛋餅麵粉味有啲重，餡料都叫濃郁，不過稍嫌芝士味唔夠重。最後套餐奉送嘅冬瓜茶連本身唔飲嘅朋友都覺得好飲，唔會太甜👍🏻總體嚟講，不過不失，可以一試。