心甜 (已結業)

今晚約左友人黎大圍食飯，食完之後佢話想食甜品，於是就帶左佢黎呢到。講起心甜，我都好耐無黎，一黎就見到menu轉左😂今次都係叫呢到出名嘅窩夫，芒果窩夫配雲尼拿雪糕窩夫外層脆身，內層比較黏口，並不是內軟嘅感覺，蛋香味不出，反而牛油味比較明顯，已經算不錯了。朱古力topping醬已經比其他地方好食了，呢方面加分！雪糕就係用m字品牌，味道就正常，不過唯一失望嘅係，原來佢地係一球球預先整好放係雪糕碗到，再放入雪櫃冷藏，搞到球雪糕原本溶左再雪返硬，感覺怪怪的。焦糖燉蛋，呢個真係燉蛋😂由於cream嘅比例較少，蛋呢比例較多，所以口感較實。焦糖係用白糖燒出黎，都算脆，不算太甜度，份量都幾多。整體黎講，呢間咁多年嘅水準算不過不失，沒有太大驚喜。