瑞士㗎啡室 (已結業)

女朋友之前和友人食過這家位於工廠區嘅茶餐廳, 盛讚佢地個蕃茄湯底非常得. 昨天趁女朋友又去"香工"掃貨, 就叫佢帶我試下. 我們叫了一個瑞士常餐, 有火腿奄列, 牛油厚多士, 瑞士雞翼蕃茄湯麵, 再加碟豬排餐肉飯. 先講下個厚多士, 軟硬度適中, 味道我覺得唔差過澳牛喎, 火腿奄列一般, 瑞士雞翼蕃茄湯麵個蕃茄湯底真係唔錯, 好有番茄味, 仲有d 蕃茄茸, 湯底亦都唔係水稀稀咁, 而啲瑞士雞翼都夠味, 估唔到茶餐廳都有咁嘅水準. 如果去開荔枝角嗰頭, 可以一試. 地點就係香港工業中心對面.