稻坊 (荃灣廣場) (已結業)

一向對佢冇乜期望，亦多年未 幫襯過飲茶， 因為上市後的質素越嚟越差。 但見到荃灣呢間早茶做半價， 平成咁就即管試試。 可惜係嚟到 優惠時段已經接近完結， 唯有飲正價午茶。好彩都有一張特價點心紙， 點心都係十幾廿蚊範圍以內， 就試了幾款。白灼大芥菜坊間少見，有點過火太淋，但我反而鐘意， 入口冇渣，有菜嘅甜味，ok! 馬拉糕夠鬆軟，不太甜，但有少少噠口。鮮蝦菜苗餃夠足料， 蝦大大粒， 菜苗反而得少少， 味道清淡，餃皮煙韌唔削，但敗筆係蒸過火，皮有點散。鵪鶉蛋燒賣好多冬菇肉，有香味， 但都係蒸過火咗少少。最好食係綠茶芋蓉煎餅， 煎得香脆夠乾身， 火侯控制剛剛好， 邊皮被芝麻包住， 食起上嚟特別香口。 裏面芋蓉餡亦夠多，唔乾身有芋香味(不是加香精那種)， 算係超班之作。