錦日本料理 (已結業)

家住淘大, 一直也未試過此日本餐廳, 看見它大獲好評, 不去幫襯真是對不住自己.今午同媽媽去吃lunch, 一到埗, 便看見傳說中的日本人老闆, 他的笑容真是很真誠, 樣子也挺可愛...見到佢, 自已會發出微笑那種.星期日也有午市定食, 都幾好, 價錢不是太貴. 因大家不是太餓, 只點了咖喱豬扒飯定食(連埋一碗烏冬...實在太好, 可以吃飯又可品嚐大家大讚的烏冬), 價錢$38. 我地仲點咗炸餃子($28, 5隻).烏冬真是不負所望, 好彈牙, 湯底又好好飲, 差唔多飲晒...因為我同老媽子兩份食, 我見佢食到咁上下, 問佢再要唔要多d, 佢竟然要再添(平時一定話唔駛)...足以証明連老人家都非常受落....咖喱吉列豬扒飯又ok, 咖喱汁夠味同辣味適中, 吉列豬扒又唔覺油膩, 老媽子又係食到連一粒飯都冇剩..老媽子最近剝晒d門牙, 得返兩三隻大牙, 但佢都咬到d豬扒而不覺吃力, 因為d豬扒夠腍(不是"梅"那種感覺)最後輪到餃子, 我覺得佢多油咗少少, 冇大驚喜.此店的服務完全冇問題. 我最後填了問卷給老闆, 我同佢講"very good", 佢即刻係咁笑, 非常開心, 係咁同我鞠躬.