影片
更多
2021-09-25
541 瀏覽
以前唔多地方有crepe食，所以一講到Crepe，通常就會即刻諗起La Creperie。第一間去嘅係上環分店，之後係灣仔店及銅鑼灣店，每次都無令我失望。最近好姊妹生日，突然有D掛住呢度嘅Crepe，就嚟到灣仔店食生日飯。估唔到味道依然無變，樣樣都好好食！La Creperie由法國人主理，提供多款法國西北部海岸城市Brittany嘅特色菜式。餐廳依舊人氣十足，我哋呢日平日晚市照舊座無虛席，好彩有一早訂座。我們點咗二人晚市套餐($538)，有主菜x2，甜品x2及飲品x2，非常豐富。Homemade Brittany Fish Soup ($95)印象中，呢度嘅魚湯非常好飲，姊妹未試過，索性點一客分享。魚湯上桌時仲係熱騰騰，魚鮮味道依舊濃郁，好少飲到咁濃郁嘅西湯呢！趁熱倒入芝士及炸麵包粒，可以令魚湯味道更為提升，口感更加豐富。Set Dinner包兩杯飲品，選擇都幾多，但食Crepe配Apple Cider 係法國傳統，我哋當然要入鄉隨俗。所以飲品方面，首推Apple Cider。呢度嘅Apple Cider來自法國，酒精濃度不高，用碗飲別有一番風味。主菜：25.Les Pierres
La Creperie由法國人主理，提供多款法國西北部海岸城市Brittany嘅特色菜式。餐廳依舊人氣十足，我哋呢日平日晚市照舊座無虛席，好彩有一早訂座。我們點咗二人晚市套餐($538)，有主菜x2，甜品x2及飲品x2，非常豐富。
Homemade Brittany Fish Soup ($95)
印象中，呢度嘅魚湯非常好飲，姊妹未試過，索性點一客分享。魚湯上桌時仲係熱騰騰，魚鮮味道依舊濃郁，好少飲到咁濃郁嘅西湯呢！趁熱倒入芝士及炸麵包粒，可以令魚湯味道更為提升，口感更加豐富。
Set Dinner包兩杯飲品，選擇都幾多，但食Crepe配Apple Cider 係法國傳統，我哋當然要入鄉隨俗。所以飲品方面，首推Apple Cider。呢度嘅Apple Cider來自法國，酒精濃度不高，用碗飲別有一番風味。
主菜：
25.Les Pierres Noires
Galettes做法正宗，用上法國Brittany不含麩質嘅蕎麥粉（Buckweat Flour）整成，非常健康。材料有太陽蛋，芝士，smoked ham等，鹹香十足。
Shrimp Pasta
除咗Galettes之外，呢度嘅Pasta都好有水準。意粉煮得al dente，唔會太淋身，大蝦煎得金黃，口感新鮮爽彈，份量亦好慷慨呢！
甜品：
64.Les Voiles de St Tropez
Crepe則用上小麥粉（wheat flour）整成，餅皮富麵粉香，口感軟熟。我一向鍾意食焦糖，所以第一款就立即鎖定64.Les Voiles de St Tropez啦！Salted butter caramel配搭焦糖化蘋果粒，甜而不膩，再食一口冰涼軟滑嘅雲呢拿雪糕，絕對係大滿足！
72.La Poulie
感謝店員的協助，順利比好友驚喜！呢款crepe材料簡單，只有烤杏仁片，蜜糖及開心果雪糕，但同軟熟嘅餅皮夾埋一齊食好好食！
張貼
