影片
更多
2022-12-29
152 瀏覽
幸福是，與家人吃一頓健康、美味、不太平凡的晚餐⋯⋯今日，我與家人路過香港文化中心附近，發現咗一間好有格調嘅西餐廳，原來佢係牧羊少年餐廳的新出品-牧羊少年與他的浮萍，本著對牧羊少年餐廳嘅信心，我哋一行三人決定入去食晚飯。餐廳劃分為餐飲區、酒吧區及活動區，空間感十足，我哋被安排到梳化座位坐，窗外可看見小水池 。有好嘅環境，令我對餐廳嘅食物特別有期望。結果，食物質素亦沒有令我們失望⋯⋯🥳🥳辣椒橄欖油亁大蜆扁意粉 $148大蜆嘅份量好多，扁意粉亦炒得夠彈牙，辣椒🌶️味較重，啱晒鍾意食辣嘅我。紅菜頭漬三文魚辣根流心布袋芝士 配小蕃茄及青提沙律 $148家人盛讚流心布袋芝士滑得來鮮甜，絕對係高質芝士，三文魚夠新鮮厚身，啖啖都係滿足。最後，我哋忍唔住再encore多一碟😆😆烤10安士澳洲M4安格斯西冷配燒新薯及烤美國蘆筍 $288另一道家人盛讚嘅菜式就係……呢碟製作時間需要25分鐘的安格斯西冷，家人食扒嘅習慣係全熟，我開頭對家人嘅要求有點擔心，怕全熟會好韌，結果，呢碟西冷超水準，外脆內軟，煎嘅時候用心鎖住咗入邊嘅肉汁，令到我哋喺全熟嘅情況底下都可以啖啖Juicy。🥹🥹另外，同行有一位三歲小朋友，我哋點
今日，我與家人路過香港文化中心附近，發現咗一間好有格調嘅西餐廳，原來佢係牧羊少年餐廳的新出品-牧羊少年與他的浮萍，本著對牧羊少年餐廳嘅信心，我哋一行三人決定入去食晚飯。
餐廳劃分為餐飲區、酒吧區及活動區，空間感十足，我哋被安排到梳化座位坐，窗外可看見小水池 。有好嘅環境，令我對餐廳嘅食物特別有期望。結果，食物質素亦沒有令我們失望⋯⋯🥳🥳
辣椒橄欖油亁大蜆扁意粉 $148
大蜆嘅份量好多，扁意粉亦炒得夠彈牙，辣椒🌶️味較重，啱晒鍾意食辣嘅我。
紅菜頭漬三文魚辣根流心布袋芝士 配小蕃茄及青提沙律 $148
家人盛讚流心布袋芝士滑得來鮮甜，絕對係高質芝士，三文魚夠新鮮厚身，啖啖都係滿足。
最後，我哋忍唔住再encore多一碟😆😆
烤10安士澳洲M4安格斯西冷配燒新薯及烤美國蘆筍 $288
另一道家人盛讚嘅菜式就係……呢碟製作時間需要25分鐘的安格斯西冷，家人食扒嘅習慣係全熟，我開頭對家人嘅要求有點擔心，怕全熟會好韌，結果，呢碟西冷超水準，外脆內軟，煎嘅時候用心鎖住咗入邊嘅肉汁，令到我哋喺全熟嘅情況底下都可以啖啖Juicy。🥹🥹
另外，同行有一位三歲小朋友，我哋點咗餐廳嘅兒童餐俾佢，估唔到餐廳嘅三道菜兒童餐，簡約健康得嚟亦好有特色……
前菜揀咗士多啤梨花生醬多士，普通嘅多士上枱都可以擺成狗仔圖案🐶。
主食點了迷你菠菜苗煙三文魚蕃茄薄餅，三文魚同菠菜都係非常有益嘅食材，啱晒小朋友。
甜品點了紅桑子希臘乳酪，呢個乳酪真係值得一讚，乳酪面頭嘅紅桑子醬看似甜膩，食落口感不但唔甜，卻有新鮮紅桑子酸味，似乎是用新鮮紅桑子打出嚟做醬汁，配上希臘乳酪，大人睇到都流晒口水。🤤
兒童餐餐飲則選了熱牛奶🥛，小朋友一口氣飲晒，yummy 😋
總括而言，呢間餐廳係多方面都屬於高質，不論食品與服務嘅質素、裝修佈置、餐廳嘅概念，睇得出出品人放咗唔少心機。相信唔使好耐，我又會心思思想返嚟呢間餐廳再大吃一頓🤩🤩。
張貼
