越旺 (已結業)

今日去咗越旺到試佢嘅越南湯河。我同同事叫咗一個生牛肉金邊粉同埋一個生牛肉牛筋牛腩金邊粉。個湯底無味，兼且好重味精（食完好口渴！）。個生牛肉牛筋牛腩金邊粉，佢將啲生牛肉放係最底，當我同事搵到個時，啲生牛肉已經熟晒。唯一可取嘅係，免費有得加底，同埋啲辣椒醬好味。如果以$35到嘅價錢食一碗越南湯河，同區有其他更好嘅選擇。另外，佢哋啲筷子好滑夾唔到啲粉。