759車仔麵 (已結業)

食左幾次759，而家為佢寫評價，應該會比較客觀。最初開店，可能「新廁所」的關係，太多人去，運作不順，不認為好吃，又等得耐，仲要比錯野，我寧願去隔鄰麥當勞。其實這裡跟一般茶記一樣，有早餐，午餐時段有車仔麵，飯。早餐價錢不貴，$17一客腸粉 / 糯米雞 / 雙拚三文治連熱飲。不過呢，要加牛肉、燒賣、粉果，$5一份，但份量不多。交來的貨色不會難吃，但姐姐放腸粉醬放得很求其，完全不足夠。午餐的車仔麵餸都是大路野，$28包三個餸，加餸加底加飲品另外加錢。份量是足夠的，相對早餐反而冇咁難食。雖然佢既價錢相對九展內其他食肆算係比較平，但我唔覺得佢抵食囉。