魚一丁刺身居酒屋 (已結業)

O尋日與兩個老死出o黎談心，其中一個話未食過，雖然食過好多次魚一丁，但係就下佢，同佢o黎試下。我又係叫番彩虹牛油果卷，差了好多，元氣d加州卷仲好食。三文魚卷-出面三文魚，而入面除了有青瓜外，仲有粒芝士，件芝士幾滑幾香，不過食完兩件三文魚卷後好滯。刺身5款-唔太掂，望落已唔多新鮮，帶子同甜蝦肉質唔通透、三文魚、吞拿魚、油金魚食落又唔肥美鮮甜。辣泡菜豆腐鍋睇落細細鍋，原來好足料，除了泡菜豆腐外，仲有八爪魚、九菜、大蒜及芋絲。成個鍋最精華就係湯底，煲出晒泡菜的味道，不過相比韓國菜館，味道還差少少。最後唔少得當然係食綠茶大福餅啦，我一個人已食了一個半，其實還不夠喉，可借太飽再食唔落。我o地仲試埋個柚子雪芭，好細個要34蚊，唔係平，而且味道過酸，偏向橙味多d，欠缺柚子味。以前覺得魚一丁質素中上的，呢幾年可能太多和食或居酒屋興起，大家相比之下，變得不及以前。