山田本舖 (已結業)

不能抗拒的古早味💖太子店剛剛開嗰時 離遠已經聞到好大陣蛋香味 當行到過去 除咗香味越嚟越濃烈 仲見到長長嘅人龍😅姐我乜都無 耐性更加係從缺 諗住等佢開耐啲 熱潮減退先試啦 係我太天真 人龍仍然存在🚶‍♂️🚶🏻‍♀️🚶‍♂️🚶🏻‍♀️今次在緣份嘅牽引下 我終於食到佢啦 仲係我最想試嘅流心芝士😍店員好好 會提醒返你幾日內食用 即食同放雪櫃後兩種唔同口感😌Size比我想像中大個 一攞上手仲幾重吓 啱啱先出爐 摸一摸個盒暖暖的 即刻加快腳步返到屋企 因為嗰種香味你係無可能抵擋得到🧀一切開 流心係堅嘅 做得綿密鬆軟 芝士味勁濃郁 仲係我最鐘意嘅醎香味芝士 醎味同蛋糕本身嘅甜味好平均 食多都唔覺得膩好滿足啊🤤真心 價錢唔貴 絕對值得 而家除咗太子 喺旺角同觀塘都有分店啦