鮨千寿 (屯門市廣場1期) (已結業)

平時行屯市經過呢間日本野都會好想試下，但每次都大排長龍，今次因爲6點去到唔使等位。鰻魚石鍋飯: 石鍋可以保持住個溫度，食落特別好味。鰻魚有啲咬口，骨好似冇平時咁多，配埋燒汁同玉子撈飯食非常好食。鰻魚份量比想像中多，足夠食哂成碗飯。加拿大海膽飯: 一黎到真係覺得有啲震撼，每一件海膽望落都好靚，一食落去係好鮮，唔會有係出面食嗰陣怪味，覺得好似係日本食咁。好中意佢既海膽唔會好淋。冷蕎麥麵: 蕎麥麵質感好好，亦都冇冷面雪過既味，配甜豉油食好清新。雖然價錢偏貴，但食物質素好高，會覺得佢用料係值呢個價錢。