海寶漁港 (石蔭路) (已結業)

去開石蔭, 想食中菜, 海寶漁港? ok! go.... 本來想食龍蠆, 點知賣晒, 所以就揀咗星斑. 蝦籽百花釀遼參 ($68) - 呢個價錢都幾抵, 蝦籽又唔少, 重幾香添! 遼參同蝦膠都爽口, 唔係好似有d 一咬開就溶晒咁, 唔錯! 窩燒無錫骨 - 果然係招牌菜, 未食先比香味吸引! 唔知係咪秘製醬煮嘅呢? 好好味, 不過有幾件多咗少少肥膏. 清蒸星斑仔 ($298) - 魚肉好滑, 蒸得啱啱好時間. 蒜茸炒豆苗 - 略嫌炒得唔夠腍身, 不過蒜茸味好香. 生果盤 - 送嘅都唔少, 不過西瓜唔係好甜, 可能唔係合時啦! 紅豆沙 - 唔太甜, 但係麻麻地