影片
更多
2007-11-29
20 瀏覽
11月23號晚約咗啲同事去打邊爐, 我哋真係唔好彩, 竟然揀咗間噤不知所謂, 食完都成肚氣嘅 “灣仔東園金閣海鮮酒家”……當晚我哋一行四人(三大一小)訂咗8:00食火鍋自助餐, 大約等咗15分鐘先安排到位俾我哋, 唔緊要! 我哋一坐低就即刻寫紙揀湯底及火鍋配料, 雖然一望之下選擇唔多(連生蠔都無!), 但因為我同事個小朋友已經好肚餓, 所以求其剔咗啲嘢頂住先, 但最慘係個邊爐煲竟然要等成半個鐘先到, 唔好提啲火鍋配料喇, 當然更加遲遲唔見影, 叫親啲伙記跟跟, 就個個應完唔見人, 敷衍了事。後來有個伙記見我哋噤耐都無嘢食, 就淨係過嚟教我哋點用個爐, 仲話不如熄咗個火先, 費事滾瀉。梗係啦, 成個鐘都未有嘢食, 人都“滾”啦! 未有得打邊爐, 噤宣傳海報上面話送每位一隻嘅 “檸香BB鴿”都應該俾嚟頂吓肚啦, 點知一句話送晒就算數, 明明張海報報都無話“送完即止”, 噤即係呃人啫~~後來我個同事發火喇, 先有個伙記攞幾碟丸、雜菌、菜之類嘅東西俾我哋食, 真係“唔嚟由自可, 一嚟把鬼火”, 食物選擇已經唔多, 仲要係叫咩無咩喎, 就連雲吞、魚皮餃，甚至乎最簡單嘅豆腐都話賣晒, 即食麵都要
後來我個同事發火喇, 先有個伙記攞幾碟丸、雜菌、菜之類嘅東西俾我哋食, 真係“唔嚟由自可, 一嚟把鬼火”, 食物選擇已經唔多, 仲要係叫咩無咩喎, 就連雲吞、魚皮餃，甚至乎最簡單嘅豆腐都話賣晒, 即食麵都要二個四個人分, 九點半都未夠就咩都無食, 如果知道火鍋料賣晒就應該唔好收客啦, 噤咪即係“昆明擺檔~擺明“昆””。
後來埋單時, 我哋要求個經理按九時後收費(九時前成人$80/位; 九時後成人$60/位), 個“賴皮友”-張經理話張單入晒電腦改唔到, 本來佢連免茶芥都唔肯, 後來就扮晒OK, 點知我朋友見到張單, 火都嚟埋, 佢竟然側側膊按四個大人收費, 你唔好以為我哋傻架, 個小朋友得6歲半, 點睇都無理由係大人啩?! 個位張經理仲死撐, 問個小朋友幾多歲, 又話5歲以下先按小童收費, 又無攪錯吖? 成張海報貼係你前面, 明明寫住小童係5-10歲, 你新嚟定扮矇吖? 後來又話可能電腦出錯去改單, 番嚟張單咪又係咩都無免, 佢話已經免咗茶, 但唔可以免芥(芥錢收咗$28), 多餘啦! 之前訂位問咗茶芥每位會收$8, 依家即係咩都無免囉, 攪噤多嘢, 做到噤鬼祟為咩呢? 奉勸各位唔想食到一肚氣同埋俾人呃, 千奇唔好幫襯吖!
張貼