影片
更多
2007-07-13
2 瀏覽
今日行開旺角女人街, 見間舖頭陳設ok, 就同朋友入去試下。因為舖面唔算大，全部都係卡位，有好多仲係2人位，每邊剛剛夠坐一個人。我地坐2人位，揭開餐牌見上面選擇都ok~ 2人餐就有2客餐湯、一個salad、一客刺身、3款小食+一個主茶(焗飯或焗意粉等)，另有2客甜品及飲品，初時都怕食唔晒，不過我地想試多d 小食，於是都照叫左一個2人餐。先來個餐湯麵包盅，味道都可以ok~之後個鴨胸+鵝肝salad 都算係咁，唔係太差，之後d小食好快陸續咁上。三文魚+甘蝦刺身、瑞士雞翼、芝士年糕....雖然份量細細，每份得2、3件，但個碟都佔唔少位置，所以一見隔離一張大少少o既檯有人埋單、執檯，就打算轉檯，問個waitress, 點知佢好晦氣咁話"唔好意思，有人要轉啦" 果陣已覺得佢好不知謂，不過因為有另一個女仔態度好好，應承話如果有位再幫我地轉，我地就無出聲繼續食啦!但食野都要有時間食架! 但我地都仲未清晒，就已經上焗飯。初時之前個女仔都打算等陣先上，點知有另一個走過黎收起d 碟，再夾硬塞滿張檯，我地要拎起個碗仔先夠位食。真係覺得好離譜，地方細唔係問題，但服務態度又差，d食物上得咁快又唔係夠位，好似迫你
因為舖面唔算大，全部都係卡位，有好多仲係2人位，每邊剛剛夠坐一個人。我地坐2人位，揭開餐牌見上面選擇都ok~ 2人餐就有2客餐湯、一個salad、一客刺身、3款小食+一個主茶(焗飯或焗意粉等)，另有2客甜品及飲品，初時都怕食唔晒，不過我地想試多d 小食，於是都照叫左一個2人餐。
先來個餐湯麵包盅，味道都可以ok~之後個鴨胸+鵝肝salad 都算係咁，唔係太差，之後d小食好快陸續咁上。三文魚+甘蝦刺身、瑞士雞翼、芝士年糕....雖然份量細細，每份得2、3件，但個碟都佔唔少位置，所以一見隔離一張大少少o既檯有人埋單、執檯，就打算轉檯，問個waitress, 點知佢好晦氣咁話"唔好意思，有人要轉啦" 果陣已覺得佢好不知謂，不過因為有另一個女仔態度好好，應承話如果有位再幫我地轉，我地就無出聲繼續食啦!
但食野都要有時間食架! 但我地都仲未清晒，就已經上焗飯。初時之前個女仔都打算等陣先上，點知有另一個走過黎收起d 碟，再夾硬塞滿張檯，我地要拎起個碗仔先夠位食。真係覺得好離譜，地方細唔係問題，但服務態度又差，d食物上得咁快又唔係夠位，好似迫你快d埋單咁，佢地有無諗過客人感受呢?
隔左一陣，又有人埋單，不過依然無人主動幫我地轉檯，唯有自己出聲，轉檯後d餐具唔見左一半、連碗仔都無影，咪叫waitress拎一隻，點知勁污糟，有一撻撻水跡仲有d黑色點點....到呢一刻真係無晒心情食野呀!
食物方面，真係偏咸，不過部份都可以接受。但服務態度非常參差，加上無一個阿head，投訴都無門。無諗過一間收10% service charge o既舖頭態度可以咁差，以後都唔會去呢間食店!
張貼