影片
更多
2007-06-09
4 瀏覽
平時我都有喺呢間叫開外賣!上個月31號打電話落去叫外賣,同個哥哥仔講好時間落去攞!起初幫我落Order位哥哥仔都好有禮貌,我電話收唔清佢都好有耐性咁聽我講嘢!都值得一讚!但誰不知,唔夠5分鍾個哥哥仔打番黎話要收左錢先會做俾我!佢哋之前喺電話又唔講話要俾錢先?講埋一大堆自以為係道理嘅廢話!本人已經留曬電話留曬名,唔通驚我玩佢哋公司咩?我都係佢哋公司外賣熟客黎,平時叫開外賣都無話要俾左錢先做嘅!如果我落去俾左錢先,我使鬼打電話咩?佢哋都唔知平時等外賣最少都要等成半粒鐘,有時都會等到好忟架!如果真係要收左錢先做單,佢哋接電話黎都多此一舉啦!總之本人好唔明白該公司點解會咁做!發生呢件事,我同個朋友都好嬲!不如佢哋一句唔想做生意咪算囉!我唸佢哋應該檢討一下,仲有依傢外賣要加錢都未必Keep到D客!
張貼