影片
更多
2006-03-19
12 瀏覽
2006年3月18日晚10點半與友人上去食飯. 首先落單要刺身, 青口, 帶子, 雞軟骨, 湯, 冷麵, 銀雪魚...等等. 10分鐘左右青口, 刺身與冷麵出場. 青口味道還可以. 有刺身冇wasabi, 問佢地羅. 居然夠膽死俾兩包黎(去惠康買壽司呀, 每三件有一包? 再要使唔使加錢呀?). 至於個唔辣既辣辣冷麵, 心諗...算把啦. 當晚食野既心情...冇晒. 差唔多食晒枱面上面既野, 再黎個銀雪魚. 味道唔錯. 可惜我已經想埋單走喇. 不過友人還未夠喉, 其他既就由佢落order. 至於友人點了乜? 我就唔清楚喇. 我只係知道再黎多個刺身. 跟住就一如己住, 所落既order只有等了又等. 最離奇既係, 黎左個燒三文魚. 我與友人都冇落過order. 都係個句算把啦. 有得你食就好食喇. 當其時我望住個鐘. 時間係11點半{究竟呢一個鐘我食左D乜}. 忽然有碗湯黎左喎{我order兩碗架, 成個鐘先煲得一碗咋?} 11點45分埋單走喇. 居然走黎問有冇乜野未黎{呢種服務態度另我無話可說} 係找錢既時候, 雞軟骨終於出場喇
總括黎講. 要係呢度食野既, 最好就幾十人黎坐係房. 因我見到不斷有食物進入. 至於出面既枱就要睇你好唔好彩喇.
張貼