燈籠滷味 (登龍街) (已結業)

平時經過都成日好多人排隊，所以今日見早肚餓就早啲去食，見條隊有兩個人就排一陣啦。入到去要上樓上，但閣樓樓底好矮，仲整咗一排排射燈，照落個位食到又熱又燦眼。主打滷味咁叫嘢食一定係叫個滷味拼盤，6點已經可以話要少一樣餸，做生意唔預足夠食物咁開嚟做乜。個王子麵食完想爆粗！原來好味精，麵又淋哂冇口感。滷味滷得唔入味，所謂嘅打星招牌菜：蘿蔔,高麗菜，等等通通都冇味。仲有個滷肉飯，真係好一般。真係唔知點解咁多人排隊食呢啲普通到極嘅嘢。要食車仔麵，謝菲道永x都好食過佢。要食滷味，街頭新x都好食過佢。其實真係冇需要排大隊去食呢啲野。簡直失望。唔會再去。未去可以唔去。