王記糖水 (已結業)

等太座收工。嚟到佢公司附近，接近八點鐘，人龍又响呢度再次出現...上次嚟到舊舖位，見到變咗第二間舖，以為執咗笠，好生失望；之後發覺原來佢哋搬咗去隔籬個舖，再戰江湖...太座仍响公司開緊會。百無聊賴，於是又排吓隊...等緊之際腦袋不斷盤算: "究竟買豬骨粥定糖水好呢?"...最後決定買碗喳咋...花奶下得極重手，香味撲鼻；料極足，豆亦夠淰，跟廟街源記水準可謂不相伯仲。呢度更優勝嘅係芋頭夠大粒之餘又夠"粉"，食得極之高興....下次一定嚟個"雙併" --- 粥加糖水，打孖嚟，先滿足...