Candy Shake (已結業)

最近知道旺角登打士街都有芝士撻, 身為旺角居民唔試唔得啦.   登打士街出名係為食友既掃街場, 人流多到要左穿右插先埋到食店.  一去到Candy Shake已見十多人在排隊買芝士撻, 很快已搶空, 人潮已散, 聽到店員話下一盤等2分鐘便有, 時間剛剛好可買到新鮮出爐既撻.  除了原味還有藍莓味, $18/個.店內空間有限, 有兩邊bar枱位置讓客人堂食.這店本身好有創意, 將日本受歡迎既糖果/朱古力零食加入牛奶/乳酪, 有味覺糖, 牛奶糖, 變色糖, 麥提莎, 金莎, kitkat等.....我揀了"四洲綠茶糖奶昔" $24, 溝出來顏色都是偏白, 沒有綠茶既綠, 味道帶著微微的綠茶甜味, 幸好奶昔夠凍才不致太甜. 相信麥提莎, M&M, Kitkat等朱古力溝出來會較濃, 唔怪得很多客都揀朱古力.奶昔調好, 芝士撻又剛出爐,  剛出爐既撻金黃色漲卜卜很吸引, 餅皮邊既圓粒壓紋很清晰很靚. size跟一般蛋撻相近, 餡料creamy, 味道似new york cheese cake的帶有微酸檸檬味既咸芝士, 餅面不會焗過火, 所以有層薄衣.  撻皮頗脆, 厚度均勻不會拿上手便裂開.