味吉拉麵館 (已結業)

人人都在排豚王一風堂之際，今個聖經我地就選擇The One B1位於角落的味吉，可能開得太角落，真係無乜人去食，二人也能夠安排卡座，可以舒服地享受個午餐。

我選了極上醬油拉麵配燒牛肋肉，燒牛肋肉唔係唔好味，不過陣味太酥唔太啱我，不過碗麵就好味到可以蓋過陣酥味，湯底有好似有好多種香味，味道好豐富同濃郁，麵條亦不過不失，好快就可以大啖大啖食晒，仲有個溏心蛋入口即溶咁，碗麵真係要讚！

燒牛肋肉

之前於沙田食過一次味吉，腦海都仲可以記住有幾好食，原來尖沙咀分店都可以keep住水準，而且人流未算好多，好啱唔鐘意多人又嘴雕的老公。