影片
更多
2018-08-07
1547 瀏覽
今晚應該係半年泥第五次幫襯。小妹因有班齋友｛年齡分佈甚廣，男女老少都有，自己暫時屬後生(暗笑)｝，定期都會約出泥聚聚，一泥吹吹水，二泥係試唔同既新式齋舖。呢間齋舖可以話係小妹 list 上頭五位！首先講位置，上環站A1出口轉右行兩步，唔洗五分鐘內到。舖頭喺3樓，樓面唔算大，所以最好預先book 枱，座位可選室內外，秋天揀室外一流，平台位置掛左好多小燈泡，食齋其實都可以好浪漫！今日朝早先confirm同屋企人去食齋，十一點幾打去book 枱，同埋book今餐主角 — 椰皇燉湯！ 雖然遲左(正常最好前一日book 定)，但總算book 到！六點鬆d到餐廳，雖然唔多人，已經見到大部分枱上面放左”留位”，所以話，book 枱既重要！屋企人都係平時食肉既朋友，所以點菜揀左d大路野。雙拼骨（士多啤梨咕嚕肉同陳皮梅子咕嚕肉）係第一次叫，之前通常揀淨係士多啤梨嗰款。但不論係雙拼定士多啤梨，食開新式齋既朋友就知道其實係唔同整法既猴頭菇！雙拼呢款好有驚喜，我食完發現我更愛梅子骨，猴頭茹炸得好乾，一d都唔油，加埋酸酸甜甜既梅子粉夏天食好開胃！！超級推！另外叫左每次都食既招牌叉燒包。就咁講叉燒包大家可能會誤會
呢間齋舖可以話係小妹 list 上頭五位！
首先講位置，上環站A1出口轉右行兩步，唔洗五分鐘內到。舖頭喺3樓，樓面唔算大，所以最好預先book 枱，座位可選室內外，秋天揀室外一流，平台位置掛左好多小燈泡，食齋其實都可以好浪漫！
今日朝早先confirm同屋企人去食齋，十一點幾打去book 枱，同埋book今餐主角 — 椰皇燉湯！ 雖然遲左(正常最好前一日book 定)，但總算book 到！
六點鬆d到餐廳，雖然唔多人，已經見到大部分枱上面放左”留位”，所以話，book 枱既重要！
屋企人都係平時食肉既朋友，所以點菜揀左d大路野。
雙拼骨（士多啤梨咕嚕肉同陳皮梅子咕嚕肉）係第一次叫，之前通常揀淨係士多啤梨嗰款。但不論係雙拼定士多啤梨，食開新式齋既朋友就知道其實係唔同整法既猴頭菇！雙拼呢款好有驚喜，我食完發現我更愛梅子骨，猴頭茹炸得好乾，一d都唔油，加埋酸酸甜甜既梅子粉夏天食好開胃！！超級推！
另外叫左每次都食既招牌叉燒包。就咁講叉燒包大家可能會誤會，因為佢其實係叉燒加刈子包，自己DIY，刈子包熱辣辣軟綿綿，配上蜜味叉燒，真心好食，而且「叉燒。包」唔多齋舖既小菜menu上有得叫！但如果純粹講齋叉燒，小妹都有d研究，待續。
三個人叫左六個嗰款叉燒包，所以無叫飯麵。另外點左一個腐竹浸時蔬同金針雲耳猴頭菇。食得多新式齋就會發現其實好多菜式都幾濃味，炒炸亦見平常，所以小妹每次一定會叫一兩個清淡d。
腐竹浸時蔬雖然個名叫濃湯，但店舖做得好清，除左腐竹，另外加上杞子，白果，香菇，清清地，好食又好睇！
金針雲耳猴頭菇又係一惹味之作，但唔食薑既朋友記得叫走薑。小妹無辣不歡，係愛薑之人！食左酥炸既猴頭菇，呢道用醬油炒既猴頭菇又係另一種風味！
七點未夠已食得七七八八，但期待既椰皇仲要少許時間先燉成，等下等下又食飽飽既時間周圍望，發現今晚好多枱都係食私房菜，餐廳係半open kitchen，見到waitress 同廚師們連做拌碟既裝飾都好用心，搵晚真係要試番次私房菜！
最後椰皇終於喺七點三泥喇，女主管(定老闆娘？)放低左三個椰皇好認真咁叫我試下，如果唔夠火喉佢退番錢，嗰刻好impressed！燉得夠唔夠火喉係好緊要，但嗰刻只係覺得好難得！
嗰晚既椰皇雖然唔係最好嗰次，但水準係keep 到！椰皇燉湯依然係小妹長途去幫襯既原因！
食齋，自己覺得比起齋菜味道，更重要既係有齋心！
張貼
