越泰 (已結業)

環境4分：樓底都幾高，大部分都係卡位，坐得唔算迫，可以畀四分。衛生3分：地方都叫整齊，張枱上有汁有牙籤，正常三分。服務3分：Ｄ阿姐態度都算正常。味道2分：1)      生牛肉牛腩片湯河就味道一般，上枱飲第一啖湯，感覺有少少甜，冇牛味，唔似平時食開嗰Ｄ越南正宗湯河粉pho。然後Ｄ河粉又唔夠滑，Ｄ牛肉明顯有雪味，唯一可取之處就係份量夠大。2)      碟春卷就正正常常，夠脆夠熱。3)      咁大間鋪頭竟然話冇凍檸茶！冇茶類嘅東西所以叫左杯凍華田，但係這杯凍華田甜到不得了，要等Ｄ冰快Ｄ溶，但係到最後都係非常的甜，味道只能夠畀兩分。抵食2分：基本上就一般般，越南河粉嚟講唔算太貴，但係味道欠奉，這個價錢有大把選擇，所以畀兩分。