影片
更多
2016-02-14
463 瀏覽
小甜谷呢個名其實已經聽過，不過印象中只係食甜品。之前留意到朋友fb，原來佢都有飯麵食，所以就好想試下。 裝修都幾令人坐得舒服，簡單既佈置已經足夠！ 餐牌有齊前菜，小食，主餐，甜品，特色飲品，果然唔止甜品咁簡單！ 鮮榨神奇菠蘿汁，之前見朋友post相，賣相好靚，原個菠蘿上。估唔到菠蘿可以就咁飲，飲落好新鮮，菠蘿汁酸酸地又帶點甜。原來菠蘿汁來自原個菠蘿鮮榨而成，飲落有菠蘿肉粒，好健康好fresh。 薄荷朱古力曲奇沙冰，香濃薄荷再加上朱古力曲奇沙冰，其實個味道有d似食開既薄荷朱古力。口感因為加左曲奇變得有咬口，而沙冰都幾滑口。 鵝肝慢煮鴨腿肉牛肝菌意大利飯，先講主角鵝肝煎得好香，入口即溶。鴨肉好淋，而且切得細件，除左食既時候會見到鴨絲之外，仲會見到細件鴨肉。意大利飯十分討好，因為飯既軟熟度，濕度都恰到好處，味道唔會太突出，反而令平時食開濃味既我另有一番新鮮感！ 鮮蝦帶子墨魚汁意大利麵，意大利麵唔會太乾身，食落同時感受到個香味，麵都幾彈牙，又唔難咬開。帶子煎得夠香，表面見到金黃色 ; 蝦就幾爽口，同埋夠入味。 鐵板宇治抹茶窩夫，好大既一碟甜品
小甜谷呢個名其實已經聽過，不過印象中只係食甜品。之前留意到朋友fb，原來佢都有飯麵食，所以就好想試下。
裝修都幾令人坐得舒服，簡單既佈置已經足夠！
餐牌有齊前菜，小食，主餐，甜品，特色飲品，果然唔止甜品咁簡單！
鮮榨神奇菠蘿汁，之前見朋友post相，賣相好靚，原個菠蘿上。估唔到菠蘿可以就咁飲，飲落好新鮮，菠蘿汁酸酸地又帶點甜。原來菠蘿汁來自原個菠蘿鮮榨而成，飲落有菠蘿肉粒，好健康好fresh。
薄荷朱古力曲奇沙冰，香濃薄荷再加上朱古力曲奇沙冰，其實個味道有d似食開既薄荷朱古力。口感因為加左曲奇變得有咬口，而沙冰都幾滑口。
鵝肝慢煮鴨腿肉牛肝菌意大利飯，先講主角鵝肝煎得好香，入口即溶。鴨肉好淋，而且切得細件，除左食既時候會見到鴨絲之外，仲會見到細件鴨肉。意大利飯十分討好，因為飯既軟熟度，濕度都恰到好處，味道唔會太突出，反而令平時食開濃味既我另有一番新鮮感！
鮮蝦帶子墨魚汁意大利麵，意大利麵唔會太乾身，食落同時感受到個香味，麵都幾彈牙，又唔難咬開。帶子煎得夠香，表面見到金黃色 ; 蝦就幾爽口，同埋夠入味。
鐵板宇治抹茶窩夫，好大既一碟甜品，由LC鐵板上枱，夠晒氣派！由於全碟都仲係熱騰騰，所以要小心避免掂到。佢會提供埋一個綠茶既汁，當你將綠茶汁倒落鐵板既時候會見到綠茶汁被煮熱，然後變成綠茶醬，十分特別！講番窩夫，外層夠脆，內裡鬆軟，再配埋周邊既紅豆，味道同口感一流！食到底既時候，仲有兩塊多士麵包，同窩夫成對比，絕對係另一個口感，比到我另一種感覺！因為多士搽左綠茶醬之後，就會變左綠茶醬多士。
估唔到小甜谷熟食甜品飲品樣樣都咁出色咁好食！
張貼
