影片
更多
2008-10-07
18 瀏覽
感謝OPENRICE咁耐以黎帶俾我咁多情報, 所以我都決定要寫下食評啦! 呢篇係小弟第一篇食評, 多多指教!一直以來BURGER都係我幾鍾意既野食, 已經試過香港唔少地方既BURGER, 不過今次都係第一次來一直係榜首時新, 一試難忘。一去到, 第一次去都有少少難搵, 事關今日有雨, 佢開晒D篷, 睇唔到個名, 而周圍又多「賣花」既舖, 令人有D懷疑係唔係呢度! 但行過D, 見到店外面排長龍, 就知應該無錯啦, 同時亦見證到OPENRICE既威力!入到去, 坐滿晒人, 大部份人等買既都係外賣啦, 不過咁好彩又俾我搵到位, 就同女友坐低左。環境就唔會點好架啦, 似終係香港茶餐廳, 不過都算係幾企理既~坐低左, 我去買野食, 叫左兩個雙層芝士蛋漢堡($15), 一個炸雞脾($11), 一碟炸薯條($10), 一杯熱0賓($10), 叫我等叫NO., 我係7號, 睇左一陣佢整既情況, 四個人各自負責一部份, 一個專煎蛋同塊漢堡, 另一個專烘包, 一個收銀, 另一個出出入入炸薯條, 大家都做唔停, 真係好多人買! 睇見佢咁整, 就知一陣會食到既一定係ARM ARM整起既包, 正!點知原來先叫到
一直以來BURGER都係我幾鍾意既野食, 已經試過香港唔少地方既BURGER, 不過今次都係第一次來一直係榜首時新, 一試難忘。
一去到, 第一次去都有少少難搵, 事關今日有雨, 佢開晒D篷, 睇唔到個名, 而周圍又多「賣花」既舖, 令人有D懷疑係唔係呢度! 但行過D, 見到店外面排長龍, 就知應該無錯啦, 同時亦見證到OPENRICE既威力!
入到去, 坐滿晒人, 大部份人等買既都係外賣啦, 不過咁好彩又俾我搵到位, 就同女友坐低左。環境就唔會點好架啦, 似終係香港茶餐廳, 不過都算係幾企理既~坐低左, 我去買野食, 叫左兩個雙層芝士蛋漢堡($15), 一個炸雞脾($11), 一碟炸薯條($10), 一杯熱0賓($10), 叫我等叫NO., 我係7號, 睇左一陣佢整既情況, 四個人各自負責一部份, 一個專煎蛋同塊漢堡, 另一個專烘包, 一個收銀, 另一個出出入入炸薯條, 大家都做唔停, 真係好多人買! 睇見佢咁整, 就知一陣會食到既一定係ARM ARM整起既包, 正!
點知原來先叫到1號, 咁就坐低等。望下周圍, 見到差唔多每一檯都係叫左漢堡包炸雞脾炸薯條, 睇黎大家都係OPENRICE既FRDS! 過左兩個字左右啦, 終於都有啦!
眼前既係非常之港式既漢堡包, 但好味過M期多多聲, 起碼唔係MASS PRODUCTION, 每個包都「有感情」! 食落去, 塊牛肉都幾JUICY, ARM ARM整起又夠熱, 而且都算厚, 所有野配合起黎影真唔錯! 雞脾亦都幾好, 夠味! 薯條就無咩特別, 係算炸得幾好, 食左好耐都無林到, 而熱0賓就係普通茶餐廳質素。
不過就係因為太JUICY, 所以整到成隻手都係汁, 大家去既時候都要帶定TISSUE OR 濕紙巾, 另外就係最好都係自備飲品, 始終都成十蚊杯, 又唔係特別!
另外一點美中不足既就係, 可能因為真係太多人, 佢做唔停, D包烘唔夠, 但又JUICY, 好易成塊包都濕晒而林左, 食落口感差左D! 如果少D人既時間 (可能係AROUND4-5點) 會好D!
仲有就係個包唔係巨型個種漢堡, 如果你好肚餓既最好就叫多D野食, 我同我女友食完都唔係太飽!
整體而言, 真係有心機整既包, 整得去食!
張貼
