影片
更多
2013-12-27
665 瀏覽
每次喺IFC路過此店都見到長長既人龍，今日因為早到左既關係居然有位可以walk-in直入，正！餐廳位於IFC機鐵站樓上，店面尚算闊落，以中環寸金尺土黎講，枱與枱之間既距離都唔算太迫，叫做可以接受。服務水平方面亦都交足功課，侍應對每樣食物都解釋得非常詳細之餘亦不斷加水，認真唔話得！五行焦香味拉麵（$158）︰作為鎮店之寶，我相信在坐十居其九都會點呢一味拉麵。麵身方面非常唔錯，爽口得黎又唔會太硬好似咬唔開咁，正！而糖心蛋同埋豚肉方面亦都唔錯，糖心做到一貫流心既質素之餘豚肉方面既肥瘦比例亦都剛剛好，唔會有太肥或者太瘦既情況影響口感。只可惜既係個湯底真係有D奇怪。黑忟忟一pat野咁賣相已經唔多睇好，飲落口既口感仲要十分獨特！坦白講我真係接受唔到，帶點鹹味之餘湯底亦都十分油，好似食緊罐頭豆豉鯪魚個汁咁，味道極差！「赤」拉麵（$128）︰坦白講，入口第一下既感覺係「乜咁似一風堂既」？的而且覺，麵身同一風堂既出品大同小異，幾乎一樣都係咁爽口！不過，喺辣方面就相對前者失色不少了！唔知係咪辣肉醬出手太少定係佢本身根本唔辣，整體感覺係辣度「到喉唔到肺」，硬係好似差D野咁。不過，豚肉方面尚算唔錯，呢度加番唔
五行焦香味拉麵（$158）︰作為鎮店之寶，我相信在坐十居其九都會點呢一味拉麵。麵身方面非常唔錯，爽口得黎又唔會太硬好似咬唔開咁，正！而糖心蛋同埋豚肉方面亦都唔錯，糖心做到一貫流心既質素之餘豚肉方面既肥瘦比例亦都剛剛好，唔會有太肥或者太瘦既情況影響口感。
只可惜既係個湯底真係有D奇怪。黑忟忟一pat野咁賣相已經唔多睇好，飲落口既口感仲要十分獨特！坦白講我真係接受唔到，帶點鹹味之餘湯底亦都十分油，好似食緊罐頭豆豉鯪魚個汁咁，味道極差！
「赤」拉麵（$128）︰坦白講，入口第一下既感覺係「乜咁似一風堂既」？的而且覺，麵身同一風堂既出品大同小異，幾乎一樣都係咁爽口！不過，喺辣方面就相對前者失色不少了！唔知係咪辣肉醬出手太少定係佢本身根本唔辣，整體感覺係辣度「到喉唔到肺」，硬係好似差D野咁。不過，豚肉方面尚算唔錯，呢度加番唔少分。
兩個拉麵跟餐都可以免費選擇配「日式叉燒凱撒沙律」或者「刺身飯」。老實講刺身飯既portion唔算好大，但材料都叫做俾得好足，魚生切粒之後都可以好平均咁舖晒喺飯既上面。而魚同埋魚子既鮮味亦都十足，絕對唔似係用D平價隔夜貨濫戶充數，值得鼓勵！Overall咁既價錢喺IFC黎講都叫做合理。只係那個所謂signature dish既拉麵湯底真係唔係個個接受得到，睇黎佢地真係要花D心思先至可以喺呢個咁competitive既地方站得住腳！
張貼
