尚泰太 (已結業)

又來到食泰國菜嘅時候喇，今次揀咗呢間係專門食泰北菜的，唔知有咩咁唔同，所以就入咗去試下😊發現到Menu上邊有啲泰國菜，出邊普通泰國餐廳係食唔到，感覺都幾新鮮，如果大家對泰國菜食厭咗嘅話，不妨嚟呢間有提供泰北菜嘅菜式餐廳度試吓，包你話特別又好味👍🏻👍🏻生蝦刺身生蝦都幾新鮮，同一般嘅生蝦刺身無異😁泰國街頭酥炸雞皮呢個小食真係100分推介，本身炸雞皮其實都已經好好食，但係出邊食嘅始終價錢略嫌偏貴，份量有小，但係呢間泰國餐廳嘅呢一款小食價錢唔貴之餘，份量亦都好足夠，真係誠意極度推介，雞皮炸到脆卜卜，但係味道非常之好，真係送啤酒一流👍🏻可以話係以後黎食都一定要encore嘅小食🤩冬陰功炒飯平時喺出邊普通泰國餐廳，有嘅都係泰式炒飯，菠蘿炒飯等等，冬陰功炒飯真係未見過，所以就特地試吓，入口真係每一啖都係冬陰功味道，原來咁樣配搭都真係唔錯，冬陰功湯裏面有嘅大蝦，喺呢個炒飯都有出現到，話係重點之一，而個炒飯都叫做炒得乾身，唔會濕立立，做得唔錯👍🏻泰式鹽燒烏頭最期待就係呢條魚，真係原條魚落咗一啲泰式調味香料去燒，好香好香，但係魚嘅肉質好嫩口，每一啖肉都好新鮮，亦都包含着香料嘅味道，真係非常推介