影片
更多
2025-08-20
0 瀏覽
上星期成班人去食鐵板燒，勁嬲。未試過入一間貴價餐廳有甘嘅服務態度。Book 左8點，人齊都吾俾入座，話要set枱，吧枱本來半張枱都冇人，佢哋係要等吧枱另外幾個客食完起身再執枱，都算啦。門口已經大把客等，人人都入嚟問是否可以入座，外面天氣又熱。兩個女侍應是都要set埋門口四人枱先俾客入去坐，完全唔知係點樣做生意，茶餐廳服務都好過佢。入咗去坐低，又唔介紹有咩係佢哋嘅強項好食，只係聽到其中一個女侍應第一句就講今日轉左A5和牛餐，餐要加$300。我哋五個人，佢話可以叫二人餐，另一個按單人收費。當我哋落單時，又話單人唔可以，因為隻虎蝦係一隻2個人share，唔可以就咁提供半隻蝦俾我，否則另一半虎蝦冇客要，我哋話加錢買埋另外個半隻虎蝦，嗰個特別乞人憎嘅女侍應( 無戴眼鏡，應該係高級啲） 話唔得，因為有其他客係叫一隻虎蝦，其實我都完全唔知佢噏乜。你咪收多半隻虎蝦錢囉，我又冇叫你蝕俾我，佢連最基本嘅數學都唔識計，學咩人做sales serve 客？未試過食一餐飯，完全唔覺得俾人serve緊，只係覺得俾人係咁challenge，唔係呢樣食材冇，就係嗰樣食材唔可以單叫，但佢又覺得自己表達得好好，我哋五個人
入咗去坐低，又唔介紹有咩係佢哋嘅強項好食，只係聽到其中一個女侍應第一句就講今日轉左A5和牛餐，餐要加$300。我哋五個人，佢話可以叫二人餐，另一個按單人收費。當我哋落單時，又話單人唔可以，因為隻虎蝦係一隻2個人share，唔可以就咁提供半隻蝦俾我，否則另一半虎蝦冇客要，我哋話加錢買埋另外個半隻虎蝦，嗰個特別乞人憎嘅女侍應( 無戴眼鏡，應該係高級啲） 話唔得，因為有其他客係叫一隻虎蝦，其實我都完全唔知佢噏乜。你咪收多半隻虎蝦錢囉，我又冇叫你蝕俾我，佢連最基本嘅數學都唔識計，學咩人做sales serve 客？未試過食一餐飯，完全唔覺得俾人serve緊，只係覺得俾人係咁challenge，唔係呢樣食材冇，就係嗰樣食材唔可以單叫，但佢又覺得自己表達得好好，我哋五個人都唔知佢噏乜。完全唔識做生意，又唔解釋俾客聽，就話自己好忙，全場飛來飛去。總之每一個餐都係同你講要加錢，加幾多最抵食，完全冇同客講龍蝦係佢哋最有特色菜。如果其他高級食肆都好似呢個女侍應咁樣嘅態度，香港嘅餐飲想唔執笠都難。
最後我哋決定散嗌一人餐，點知10分鐘之後呢個女人又走埋嚟同我講蜆冇晒，被要求轉魷魚筒，但係態度係勁唔禮貌，總之就話俾你知我唔夠供應，你要轉魷魚筒，問有冇其他選擇，答冇，因為蜆比其他枱客人叫咗，做得晚市，每一個餐都有蜆提供，你唔夠食材關個客乜事，就算吾夠，佢應該耐心解釋比客戶聽，我完全唔覺得被尊重，反而係我要問返佢，你係唔係即係咁樣嘅意思啊？如果唔係因為俾咗Deposit，我好想起身走人。
點都要講下野食, 係冇一樣野令人覺得impressive:
-鮑魚係大隻, 新鮮, 但調味鹹到苦
-好矜貴嘅虎蝦, 蝦腳好食過D蝦肉
-被人威脅出場嘅魷魚筒, 又韌, 又有雪味…
-個炒飯, 冇味㗎!
唯一可取嘅…應該係頭盤嘅魚生尚算新鮮…
唯一值得讚嘅係，2位廚師態度好好，好認真製作食材，最乞人憎就係嗰個冇戴眼鏡嘅女侍應。
最嬲係每人比七百幾蚊食飯，都要受侍應氣😡😡😡
仲要…係食唔飽ga!
如果大家未食過呢間嘢，就千祈唔好去啦。
0 瀏覽
0 讚好
0 留言
張貼
