吉列牛忌廉烏冬專門店 (彌敦道) (已結業)

相約舊同事gathering, 揀咗旺角吉列牛忌廉烏冬專門店, 接近一年冇食過, 今晚又再encore。平日晚放工時間, 餐廳內已坐滿一半食客。超過半數以上黎到都必點吉列牛, 仲有好邪惡嘅忌廉烏冬。其中一個定食套餐可一次過品嚐呢兩款必點菜式, 再多一個蓋飯同埋3杯飲品, 都係HK$354 (另加一) 相比更為抵食!吉列牛定食: 吉列牛肉質嫩紅, 油脂不多, 因應個人喜好係石燒板上燒到幾成熟, 吉列皮好脆, 肉質有彈性; 定食再配有麵豉湯、豆腐、蕃茄仔同埋白飯, 好飽肚。咖喱忌廉烏冬(牛):忌廉完全奄沒了整個烏冬, 將咖喱烏冬平均地撈埋一齊, 烏冬入口更滑, 散發陣陣咖喱香, 微微地辣, 忌廉不是creamy果種, 食落唔會太漏; 加埋好林嘅牛肉粒同埋洋蔥, 正!牛裡脊肉蓋飯: 大量生菜絲蓋過整個飯, 飯底選用了紅醋米, 米飯浸潤, 粒粒分明, 很有香蒜味。牛裡脊肉好林, 牛味很重, 仲有幾隻爽口嘅蝦。套餐跟3罐汽水,其中+$8 升級轉 蜂蜜菊花蜜微甜蜂蜜, 同時散發淡淡清香菊花, 清甜潤喉。