餐廳裝修好型格、舒服，店員服務殷勤。最正嘅係佢地有日籍師傅即場炭火燒！俾大家睇下入面嘅環境～
餐牌選擇頗多，除了主打嘅串燒之外，其他料理都有唔少選擇。由於想試多啲唔同菜式嘅關係，我決定要散叫～以下係我order左嘅食物：
11
燒帆立貝：帆立貝好大粒好juicy！
串燒雞頸皮：出面好少有得食雞頸嘅串燒，見餐牌上推薦，當然要試下！用平時其他部位嘅雞皮好唔同，雞頸皮好有口感，而且唔會太油膩！過癮！
燒宮崎和牛串：師傅功架十足，將和牛燒得恰到好處。宮崎縣嘅和牛嘅肉香同油香都係well-balanced，只係略顯太細舊，唔夠喉呀嘛！
世一串燒雞飯：呢個飯一次過有曬餐廳嘅招牌雞串燒：免治雞肉串燒、手羽先、雞腿肉，而去啲醬汁加埋啲飯一齊食，又飽肚又可以一次過試曬招牌串燒，抵到爆呀！
