越華會海鮮館 (已結業)

有朋自新加坡來，佢話想食香港地道野，越華會不嬲都覺得有質素保證就二話不說地去了兩個人叫左一個避風塘炒蟹，一個蝦多士。味道蝦多士唔錯，有水準！份量夠！避風塘炒蟹就新鮮，味道就避風塘味入唔到隻蟹。不愉快的是我平時無叫炒蟹就問店員點賣。佢直接話最平一隻大約600幾，睇重量。我用國語同新加坡朋友解釋完，最後就拎左隻$784出黎。點知食到一半隔離又叫炒蟹，同一個店員居然話有加拿大蟹平D只要$498！最後$498既蟹居然仲大過我果隻$784。呃遊客唔洗咁既。。我影埋出黎比大家睇（有支啤酒果張就係隔壁台隻蟹$498）（背景乾淨d果隻就係$784）下次去越華會記得問有無平d既蟹，CP值應該更高。