牛石料理 (已結業)

個日落住滂沱大雨都要過黎食，因為一早聽左呢個名好多次，本身個人就係牛魔王，所以真係期待左好耐黎試牛石料理。我地因爲實在太餓，一人叫左一個丼先，分別係重量級海膽丼同一個雪場蟹丼。如果你識我你一定會知我係一個海膽怪，我超愛食海膽！佢一上我真係想尖叫，佢海膽超級多，一定過一板😻😻而且仲有紫菜跟比我，唔夠仲可以加，太乎合我口味啦真係！雪場蟹食得出佢絕對唔係罐頭蟹肉比我地，真係新鮮蟹拆肉😻質素好高好有心機！我地仲叫左個牛石精選盛合，因為黎到係可能唔試佢甘出名既牛肉！佢上既時候仲好細心，每樣肉隔離都有個牌寫住佢係咩！佐賀和牛係我最愛，一d都唔會靭！牛肉粒都切得好均衡，唔會難燒！仲有極上牛舌，少少羶味都無👅👅而且仲有個計時器，話比你知幾耐個鐵板會預熱好可以開始落肉，真係好細心！岩哂我呢種唔識煮野食既人😻下次絕對要再黎食多次！