半糖主義 (已易手) 新餐廳

今日一個人行到去堅尼地城，特登去左一間朋友推介既甜品店「半糖主義」，餐廳就好似店名一樣，主打半糖甜品，用上希少塘，甜度完全唔需要擔心，加上日本明治奶，食材用料夠哂認真細心。餐廳有個打卡位，想影靚相要趁早啦！我叫左一個洋甘菊檸檬花茶，清甜清香的茶味，熱辣辣夠哂解膩，最岩就係配甜品啦。我叫左一個豆乳拿破崙，豆乳味香甜濃郁，豆香突出夠哂驚喜，香滑豆乳吉士醬，輕盈甜度唔高，滑溜滿足。拿破崙香脆夠哂酥香，卜卜脆充滿牛油香，雪糕配上雲哩拿口味，仲有士多啤梨，完全唔係其他餐廳死甜的甜品，的確夠哂驚喜啊。餐牌仲有好多甜品，有中有西，有熱有凍，下次好想試下窩夫和梳乎pancake啊！