Wheatfield X 羅宋湯專門店 (漢宮閣) (已搬遷) 新店位置

由於同行嗰位唔食牛，為咗方便同佢share，就叫咗個羅宋豬湯配螺絲。叫得做羅宋湯專門店，期望同要求一定會比較高，果然不負所望，個羅宋湯真係好得！！！同出面飲過嘅「羅宋湯」好唔同，個湯好濃，好香番茄味，而且十分足料。羅宋湯就點都會有啲辣，呢個都有少少辣（我唔係好食得辣，但都接受到）。個廚真係好叻，識得用螺絲粉，個螺絲粉嘅坑紋可以吸到湯汁之餘，粉身又可以保持到煙韌。 而佢塊豬肶肉更加值得一讚，好似食緊日本拉麵啲叉燒咁同行唔食牛嗰位叫咗個紅菜頭湯。呢個湯都係好足料，不過同羅宋湯比就清好多，中意清清地可以試下。同行嗰位就加咗豬肶肉，佢都係對塊「日本拉麵啲叉燒」讚不絕口