讚好台灣

營業中

休息中

又來到紅磡舊區，呢度真係好多低調嘅食店。今次來試食地道台灣小店。話得係小店，當然係舖面細細啦，座位比較密，會同其他食客親近啲，不過唔緊要，完全唔會影響食嘢嘅心情！首先來碗招牌紅燒牛肉麵，濃湯配以入味牛肉，彈牙麵條，加埋蔥花嘅點綴，係好味嘅！仲有皇牌肉燥鹽酥雞乾伴麵，惹味醬汁帶麻辣，令人垂涎三尺。不得不提嘅仲有各款小食，炸豆腐、甘梅脆薯，炸豆腐外脆內軟，炸皮唔厚，豆腐上既青瓜絲能中和炸物既油膩；脆薯並非薯仔，乃係蕃薯，好可口，灑上梅粉，係好驚喜既味道！